DBH 1. mailako ikasleek ikasturte honetako laugarren PROIa, ‘EHko Herria’, amaitu ondoren beraien prototipoak herriari erakusteko garaia iritsi zen! Pasa den astelehen goizean hainbat aditu etorri ziren gure ikastolara, eta egindako prozesua eta bukaerako produktuak erakutsi zizkieten. Gainera, talde bakoitza beraien produktu edo prototipoa onena zela konbentzitzen ere saiatu zen.
Eskerrak eman nahi dizkiegu etorri ziren adituei. Hauexek izan ziren: Izaro Elorza, Oñatiko alkatea; Iñaki Olalde, Udaleko zinegotzia; Idoia Lazpita, Udaltzaingo burua; Oihane Urrate, Oñargiko langilea eta energia berriztagarrietan aditua; Mikel Etxezarreta, Trautiko kidea eta Amaia Igartua arkitektoa.
Zorionak ikasleei egindako lanagatik! Eta mila esker adituei guregana gerturatu eta gu entzuteko tartetxo bat hartzeagatik. Eskerrik asko!
