Irudia
Joan den zapatuan, Ikastola Lagunak mugimenduak 1. Ekintza Soziala egin zuen Arrasateko Kulturaten. Euskal Herriko 100 bat lagun elkartu ziren komunitatearen parte-hartzeaz hausnartzeko.
Ekitaldian aurreskua, bertsoak (Txantxikuko irakasle Aitor Tatiegiren eskutik) eta mahai-ingurua izan ziren, eta Ikastola Lagunak taldearen helburua azaldu zuten: ikastola eredua babestea, indartzea eta hezkuntza komunitatetik harago zabaltzea.
Gaur egun, Euskal Herriko hamasei ikastoletan sortu dira Ikastola Lagunak taldeak. Txantxikuko taldea izan zen martxan jarri zen lehenengotarikoa. Eta beste hainbat ikastolatan taldeak sortzeko bidean dira.
