Aste honetan, LH4ko ikasle eta irakasleok hiru egun zoragarri pasa ditugu Orion. Egun hauetan ekintza ugari egiteko aukera izan dugu eta primeran ibili gara elkarrekin.
Batetik, Orioko ikastolako LH 4ko ikasleekin elkartu gara herria ezagutzeko eta hainbat jolas egiteko. Gainera, beroari aurre egiteko, ur jolas dibertigarriak egin ditugu ur mangerarekin eta baldeekin. Hondartzan ere denbora pasa dugu, harearekin jolasten eta giro ederraz gozatzen. Irteerako momentu berezienetako bat Donostiako Aquariuma-ra egindako bisita izan da; itsasoko animalia eta ingurunea gertutik ezagutzeko aukera izan dugu.
Oro har, oso egun politak izan dira: barre asko egin dugu, esperientzia berriak bizi ditugu eta elkarrekin primeran pasa dugu. Zalantzarik gabe, ederki ibili gara eta oroitzapen politak eramango ditugu etxera!
