Orio ezagutzen eta ikastolen arteko zubiak eraikitzen

2026/06/10

Aste honetan zehar, gure LH 4ko ikasleek txango itzela egin dute Oriora. Kostaldeko herri polit honetaz gozatzeaz gain, bisitak helburu oso berezi eta aberasgarria izan du: Orioko Herri Ikastolako ikasleekin elkartzea. Gure ikasleak hango lagunekin batu dira herria elkarrekin ezagutzeko eta bertako parkeetan jolasean aritzeko.

Horrelako ekintzak funtsezkoak dira ikastolen arteko saretzea indartzeko eta gure komunitateen arteko harreman atsegin, hurbil eta aberasgarriak bultzatzeko.

Eskerrik asko bihotzez Orioko Herri Ikastolari emandako harrera bikainagatik eta gurekin horren une politak elkarbanatzeagatik! Esperientzia bikaina izan da guztiontzat, ziur asko gure ikasleek luzaroan gogoratuko dutena.

Azken albisteak

2026-10-17

LH 5. mailako ikasleak Oñatiko kutsadura aztertzen

Joan den astean, LH 5. mailako ikasleek irteera berezi bat egin zuten Natur Eskolako kideekin batera, Auzotik Munduari PROIektuaren barruan.

2026-10-09

DBH

Herri kirolak plazan

Urtero legez, Oñatiko jaixetako Herri Egunean DBH 2. mailakook herri kirolak egin genituen plazan. Lokotx-bilketan, txingetan, kontrabandisten karreran, zaku saltoan eta sokatiran ibili ginen.

2026-10-09

HH
LH
Orokorra

Neurogarapena ezagutzen Feli Oregirekin

Azken hiru asteotan, neurogarapenaren inguruko formakuntza egiteko aukera izan dugu Feli Oregiren eskutik.

2026-10-09

HH
LH

Oñatiko jaixak Txantxiku Ikastolan

Irailaren 25ean, egubakoitzean, Txantxikuaren jaitsierarekin hasi ginen, Ikastolako patioan, Oñatiko jaixak berotzen. Itxafleroa bota eta jaitsieraren ostean, ikasleek Txantxikua-ren mezua irakurri zuten.

Gehiago