Datorren martitzenean, ekainak 23, San Juan bezpera dela-eta, Olaitturriko eremuan udako solstizioari ongi etorria emango diogu ohiko egur-pilari su emanda. Ekitaldia Txantxiku ikastolak eta Oñatiko udalak antolatu dute, Jose de Azpiazu musika eskolaren, Oñatz dantza taldearen, Aita Madina txistulari taldearen eta Txinparta bertso eskolakoen laguntzarekin.
Ekitaldia gaueko 22:00etan hasiko da. Txalaparta doinuekin batera, ekitaldiari hasiera emango zaio eta, une horretan egur-pilari su emango zaio. Sua indartzen den bitartean, txistulariek San Juan zortzikoa interpretatuko dute eta Oñatz dantza taldekoek dantzatuko dute.
Jarraian, bertaratutakuok “San Juan, San Juan berde, danbolintterua” koplak abestuko ditugu. Horren ostean, bertso eskolako ikaseek koplak abestuko dituzte. Ekitaldiari amaiera emateko, Txapeloaz, Gaztelugatxeko martxa, fandangoa, arin- arina eta kalejirak entzun eta dantzatzeko aukera izango dugu.
Hementxe dantza horien bideoak etxean praktika dezazuen: Zatozte Olaitturrira jaiaz gozatzera eta udari ongi etorria ematera!
