2026ko urriaren 9tik 11ra Beskoitzeko ikastola eta Txantxiku ikastola, Beskoitze eta Oñatiren arteko harremanaren beste atal bat jorratuko dugu bertan ospatuko dugun EUSKARAREN EGUNAREKIN. 2019an Manex Pagolari egindako omenaldiarekin, eta 2022an BI IKASTOLA, ZUBI BAT proiektuarekin, besteak beste, bi ikastola eta bi herrien arteko harremana sendotuz joan da. Urriko ekitaldi honekin beste urrats bat eman nahi dugu bide horretan.
Asteburu horretarako bi aukera izango dira:
Asteburua bertan igarotzea: Ahurtiko kanpinean ostatu hartzeko aukera izango da.
Urriaren 10eko ekitaldietan parte hartzea. Egun horretarako hainbat ekintza antolatuko dituzte beskoiztarrek, zeinetan Oñatiko beste eragile batzuk parte hartuko duten:
Herriko Etxean harrera ekitaldia.
Ondoren, pintxopotea eta kantu jira.
Bazkaria.
Bazkalostean, dantzak eta pilota jolasak Oñatz dantza taldeko eta Aloña Mendi K.E.ko pilotarien parte hartzearekin.
Asteburua Beskoitzen igaroko dutenek, igandean bisita gidatua edota mendi irteera izango dute.
Larunbateko ekitaldietara joateko asmoa dutenentzat autobusa antolatuko da.
Ohar honen bidez herritarrak gonbidatu gura ditugu ekintza honetan parte hartzera, eta izena emateko aukera hauek izango dira:
Telefonoz ikastolara hots eginda (943 78 12 04)
Sare sozialen bidez.
IZENA EMATEKO EPEA: IRAILAREN 18a
