Bi urtetik behin egin ohi dugun legez, ikasturte hasiera berezia izan dugu Batxilergoko 1. mailan. Eslovakiako lagunak astelehenean iritsi ziren eta etzira arte, domeka, gurekin izango ditugu. Egunotan ekintzaz betetako egitaraua prestatu diegu.
Hasteko, elkar hobeto ezagutzeko hainbat ekintzarekin ekin genion elkartrukeari. Eta astean zehar, Oñatiko parajerik ederrenez gozatzeko aukera ere izan dute: Urbia, Araotz, Arrikrutz, Duru... Eta Euskal Herriaren ikuspegi zabalago bat izate aldera, Bilbo, Gasteiz eta Donostia ere bisitatu dituzte.
Benetan egun intentso bezain aberasgarriak izaten ari dira, eta ikasleen artean oso harreman polita sortu da. Asteburuan emango diogu abentura honen lehen parteari amaiera, eta ikasturte amaieran gu izango gara Eslovakiara joango garenak!
