Iritsi da Gipuzkoako ikastolen jai handia. Urriaren 4an, domekan, Lazkaoko Ikastolako lagunek azken hilabeteetan egindako lanaren fruituak ikusi eta horietaz gozatzeko aukera izango dugu.
Gainera, Txantxiku ikastolako ikasleek ere protagonismo berezia izango dute, aurten ere Erronkan parte hartuko baitute. DBH 3 eta DBH 4. mailako 14 ikaslek osatutako taldeak hainbat probatan hartuko du parte: koreografia, bertsolaritza, orientazio proba...
Eta gainontzean, aurten ere egun bikaina pasatzeko egitarau oparoa prestatu digute: sormen lanak, bertsolariak, herri kirolak edota, nola ez, euskal musikaz gozatzeko hamaika kontzertu. Motorrak berotzen joateko, hemen dituzue aurtengo bideoklipa eta erronkalariek aurkeztu duten bideoa! Animatu eta ondo pasatu!
