Irailaren 16tik 22ra gure ikastolako komunitateak bat egin du Mugikortasun Astearekin, ikasleen artean kutsagarriagoak diren ohiturak aldatzeko eta herri zein ingurune osasuntsuago bat eraikitzeko asmoz.
Astea gogoetarekin hasi genuen: oinez, bizikletaz, kotxez ala garraio publikoan mugitzen gara gure egunerokotasunean? Hausnarketa honek eguneroko ohiturei buruz hitz egiteko eta alternatiba jasangarriagoak aztertzeko bidea eman zigun.
Teoriatik praktikara igaroz, Lehen Hezkuntzako 1. eta 2. zikloetako ikasleak herriko juntalekuak bertatik bertara ezagutzera joan ziren. Oinezkoentzako gune seguruak ezagutu eta elkarrekin gelditzeko topagune hauek zein garrantzitsuak diren ikasi dute. Horrez gain, sormenari ere ateak zabaldu dizkiogu:
- Ikasle bakoitzak bere etxetik ikastolarako bidea margotu zuen, bideko elementuak eta sentsazioak islatuz.
- Patruila Berdeak ekimenaren gidaritza hartu zuen eta autoaren erabilera murrizteko mezu eta lelo eraginkorrak sortu zituen. Jarraian, 6. mailako ikasleek patioan jartzeko mural koloretsuak sortu zituzten.
Ekimen hauei esker, argi geratu da gure ikastolak konpromiso sendoa duela ingurumenarekin eta mugikortasun jasangarriarekin. Jarraitu dezagun denon artean bide berdeagoak urratzen!
