Irudia
Pasa den irailaren 18an Batxilergo 1. mailako ikasleak Emakumion Etxera joan ginen “Oñatiko fabriketan emakumeen ezinbesteko lana” erakusketa bisitatzera. Bertan Edurne Iriondo Plazak, ikerketa eta erakusketaren egileak, herriko emakumeek urtetan fabrika eta tailerretan izandako parte hartzea eta lan-baldintzak aurkeztu zizkigun eta askotan ezkutuan egiten zituzten lanen berri ere eman zigun.
Lerro hauen bitartez eskerrak eman nahi dizkiogu Edurneri eta Emakumion Etxiari gure herriaren historia eskura jarri eta gurera gerturatzeagatik.
