Lehen Hezkuntzako 3. eta 4. mailako ikasleok Pippi Kaltzaluzeri eskainitako erakusketa-aretoa bisitatzeko aukera izan dugu, eta esperientzia ederra eta inspiratzailea bizi izan dugu!
Kultur Etxean sortutako areto berezi honetan, Astrid Lindgren idazle suediarrak sortutako pertsonaia ezagun hau gertutik ezagutu dugu. Pippik 80 urte bete zituen 2025ean, baina haren istorioek eta abenturek bizirik jarraitzen dute gaur egun ere.
Erakusketara joan aurretik, Pippiren inguruko lanketa egin dugu gelan, bere mundua eta ezaugarriak hobeto ezagutzeko. Bisitan, berriz, Pippiren izaera ausart, aske eta sortzaileaz gehiago ikasi dugu. Mozolomendi etxea, Tommy eta Annika lagunak, Nelson jauna eta Osaba Txikia ere ezagutu ditugu.
Gainera, Pippik erakutsi digu irudimenarekin eta eskura ditugun gauzekin gauza harrigarriak sor ditzakegula! Bisita bikaina izan da haur literaturaren munduan murgiltzeko, gelan ikasitakoa osatzeko eta Pippiren abenturekin gozatzeko. Eskerrik asko esperientzia polit hau bizitzeko aukera emateagatik!
