Martxoaren 28an, Batxilergoko 2. mailako Zuzenbideko ikasleak herriko udaletxean izan ginen zergen inguruko gaia lantzen. Kontuen gaiak daramatzan Paskual Elustondoren eta Mikel Biain alkatearen laguntzarekin Oñatiko udalak jasotzen dituen zergak eta horien ezaugarriak ezagutu genituen.

Bestalde, apirilaren 3an, Batxilergoko 2. mailako Ekonomia eta Zuzenbideko ikasleak Paskualekin berarekin aurrekontuen gaia landu genuen eta dirusarrera eta gastuen inguruko xehetasunak jaso genituen.

Lerro hauen bidez eskerrak eman nahi dizkiegu Mikel Biaini eta Paskual Elustondori eskaini ziguten tarteagatik eta eman zizkiguten azalpen guztiengatik.