Oñatiko festak bukatu berritan abiatu ziren Nepalera gure ikastolako ikasle diren Malen Osa, Maddi Oyhagaray, Igor Mugarza eta Amaia Ugarte proiektuko gainontzeko lagunekin batera. Aklimatazio egokia egin dute espediziokide guztiek eta 5000-6000 metro bitarteko mendietan ere euskaraz ari dira azken asteotan.

Aurten ere Txantxiku Ikastolaren Eguneko ospakizunen artean Bidezko Merkataritza denda jarriko dugu apirilaren 22an eta 23an Txantxiku Ikastolako aretoan. Bertan salduko diren produktuak garapen bidean dauden herrialdeetako komunitateek egindakoak dira eta bitartekaririk gabe erosi ahal izango ditugu. Lan hau egiteagatik jasotako dirua SAHARAra bidaliko da. Ziur gaude bertara gerturatuko zaretela.

Txantxiku ikastolak, Nepalen izandako lurrikara dela eta, Oñatin sortu den Nepal Lagunduz taldeak ostiral honetarako antolatu duen jaialdira gonbidatzen zaituzte.
Jaialdian, Nepali buruzko diaporama bat ikusteaz gain, nepaldar talde batek prestatutako pintxoak dastatzeko aukera izango duzue.  Jaialdia 18:30ean hasi eta 21:00ak inguruan bukatuko da.  
Hurbildu  gaitezen plazara eta adieraz diezaiogun elkartasuna Nepalgo herriari!