Kontserba loteen txanda datorkigu berriro ERRIGORA proiektuaren eskutik. Maiatzaren 12tik 23ra Nafarroako  hegoaldean ekoitzitako zazpi kontserba ezberdin kopuru ezberdineko lotetan kontsumitzeko aukera  eskaini nahi dizuegu, betiere ingurumena errespetatuz eta elikagaien sektoreko langileei begirunea galdu gabe, auzolanean eta euskara jomuga. Kanpaina honetako eskaintza ekoizlearen jatorrizko prezioan eskatzeko aukera emango dugu, horrela, Nafarroaren hegoaldekoak propio diren produktu hauek Euskal Herri osora zabalduz.