“Oxigenoa Euskarari 6000 metroan ere” ekimenaren baitan bertso saioa antolatu dugu datorren maiatzaren 19an. Maialen Lujanbio, Amets Arzallus, Aitor Sarriegi eta Uxue Alberdi bertsolariak izango dira Zubikoa frontoian eta Amaia Agirre arituko da gai-jartzaile lanetan. Saioa gaueko 22:30ean izango da eta sarrerak dagoeneko salgai daude Txokolateixian 10€-ren truke. Bide batez, jakin, ikastolan proiektua gertutik jarraitzeko bi gune atondu ditugula: bata Santa Ana gunean eta bestea Plazako gunean.