DBH 2. mailako eski bidaia finantziatzeko egin ohi diren ekintzen artean bat urte-sasoi honetako larunbatetan egiten den saskiaren zozketa da. Hainbat produktu ederrez osatutako saski bat zozketatuko dugu abenduaren 22a bitarteko zapatu eguerditan, plazako merkatuan eta inguruetan goiz horretan zehar salduko ditugun txartelen artean zozketa eginda. Ez galdu aukera eta erosi zure txartela!

DBH 2A gelako ikasleok, iaz Arrasateko ingurumen eskolan irabazitako sariaz disfrutatu genuen pasa den astean. Guk asmatutako "Zabor gabe, bizitza hobe!" leloa izango da aurtengo kanpainan erabiliko dena, hain zuzen ere. Sariari esker, hainbat gauza egin genituen, tartean Epeleko araztegia eta konpost planta bisitatu eta, bazkaldu ondoren, Alluitz Naturan artilea landu eta ardiekin gozatzeko aukera izan genuen.

ARGAZKIAK