Lehen Hezkuntzako 3. mailako ikasleak Egiptoren inguruko proiektua lantzen aritu gara. Antzinako Egiptori buruzko hainbat gauza ikusi eta ikasi ditugu: Nilo ibaia, bertako biztanleen bizimodua, gizartearen antolakuntza, eraikinak, jainko eta jainkosak… Proiektuaren amaieran, gure gelakide baten ama, Ane Moreno, etorri zitzaigun berak Egiptora egindako bidaiaren xehetasunak ematera. 

Gabonetako oporren ostean, 3. mailako ikasleok “The Wolf and the seven Little kids” antzeztu genuen ingelesez. Ikasturte hasieran ezagutu genuen Peggy eta berak erakutsi zigun istorio polit hau. Ingeleseko klase orduetan landu eta ondo prestatu ostean, gurasoei erakutsi genien Gaztelekuan. Ederto egin genuen eta esperientzia aberasgarria izan zen guztiontzat! Ea hurrengoan zer ikasten dugun!!!

Lehen Hezkuntzako 3.mailako ikasleak udal ordezkariekin egon ginen pasa den egubakoitzean. “Herri zikin infernu haundi” proiektuan zehar Oñatiko puntu beltzak identifikatu genituen eta hauei irtenbide bat emateko, Izaro alkate anderea eta Bixente zinegotziari gure proposamenak eta eskaerak helarazi genizkien. Eskerrik asko Izaro eta Bixente gurekin egoteko tartetxo bat hartzeagatik!

Lehen Hezkuntzako 3. mailako ikasleak, “Herri zikin, infernu haundi” proiektua lantzen ibili gara. Proiektuan zehar, lehenik eta behin Garagaltza auzora joan ginen, auzo mota ezbedinak landu eta garbigunearen funtzionamendua ezagutzera. Oñati ezagutzen jarraitzeko, Oñatiko erreka ezberdinak ikustera joan ginen. 

Beste egun batean, Natur Eskolakoekin, erreka horien azterketa sakona egin genuen uraren kalitatea, landatzera, animaliak, zaborra… ikertuz.

Gure herria hondakinei dagokionez, pixka bat gehiago zaindu beharko genukeela ohartu gara.