Pasa den martitzenean, Batxilergo 2. mailako IKT-ko ikasleak Mondragon Unibertsitatearen Arrasateko kanpusera gerturatu ginen programazio informatikoaren inguruko tailer batean parte hartzera. Joseba Andoni Agirre eta Urtzi Markiegi irakasleen eskutik Garaiako kanpuseko instalazioak ezagutu genituen aurrena. Ondoren, oinarrizko programazio lengoaien inguruko azalpen batzuk jaso ondoren, taldetan banatu eta talde bakoitzak aplikazio txiki bat garatzeko aukera izan genuen.