EKI proiektuko "Bizitza jira biran" unitatearen barruan, Ilatargi Astronomia elkarteko Itziar Egiguren LH-ko 5. mailakoon geletara etorri da astronomiari buruzko saioak ematera. Gelan landu ditugun Lur planetaren errotazio eta translazio mugimenduekin lotuta, Iparrizarraren gaineko azalpenak eman dizkigu, eta horrekin batera Hartz Txikia eta Hartz Handia non kokatzen diren erakutsi. Horren ostean, udazkenean zerua garbi dagoenean ikus ditzakegun konstelazio guztien berri ere eman digu. Datorren astean, eguraldia lagun badugu, zerua behatzera igoko gara Torrealdera.

Mila-mila esker Itziar erakutsi duzun prestutasunagatik eta eman dizkiguzun argibide guztiengatik.