Azken asteetan, LH 3. eta 4. mailako ikasleak buru-belarri aritu dira Amerikako gaia aztertzen. Proiektuaren bidez, kontinente honetako tribu ezberdinak ezagutzeko aukera izan dute, hala nola aztekak, inkak, maiak, inuitak eta basamortuko biztanleak. Haien bizimodua, ohiturak eta bizi ziren lekuak sakon aztertu dituzte. Gainera, Amerikako geografiari buruz ere ikasi dute: mendilerro nagusiak eta ibaiak ezagutuz.

Proiektuari amaiera emateko, LHko 1. eta 2. mailako ikasleei aurkezpen berezi bat egin diete. Adin txikiagoko ikasleek aukera izan dute Amerikako tribuei buruz gehiago ikasteko. Esperientzia aberasgarria eta dibertigarria izan da!