Egubakoitzean “Itsasoko jolas parkea” izan genuen herriko plazan. Udazken kulturalaren egitarauaren barruan, Kulkiko lagunek itsas giroko jolasekin gozatzeko aukera eman ziguten. Uharteko lamiarekin argazkiak atera, balea txirristatik behera jaitsi, arraunean egin, txanelean nabigatu, mastaren puntan banderatxoa jarri, txinga jolasa aingurekin, kukaina, kainaberarekin arrantzan egin. Arratsalde giro bikaina egin zuen eta plaza ikastolakoez gainera, herriko edozein umez bete-bete eginda egon zen. Kulkiko Luisferrek primeran azaldu zigun tresna bakoitza zer zen eta nola jolastu. Gainera, egubakoitzean bertan ezagutzera eman zen ikastolako kamiseta berria soinean zuela aurkeztu zitzaigun.