Udazken kulturalerako antolatutako ekintzen artean, Haur Hezkuntzako irakasleek eta ikasleek gaztaina jana egin genuen ikastolako jolastokian. Izaro, Eneko eta Goizane gure ikaskideen aittaittak, Jose Mari Altubek, lagundu zigun gaztainak erretzeko orduan. Berak danbolin berezia prestatuta, gure ikasleek, hari buelta eta buelta emanez, gaztainak erreten parte hartu ahal izan zuten. Arratsalde pasa bikaina izan zen eta, bide batez, gaztaina ederrak dastatzeko aukera izan genuen. Mila esker Jose Mari egindako lan bikainagatik!!!

Udazken Kulturalari amaiera emateko luxuzko bisita izan genuen Batxilergo 1. mailako ikasleok. Aitor Arregi zinegile oñatiarrarekin tertulixan izan ginen. Bisitaren aurretik berak ekoiztutako "Loreak" filma ikusi genuen. Pelikularen gidoiaren idazleetako bat da Aitor. Euskarazko filma honek Espainia ordezkatuko du Oscarretarako lehian eta,  gaur egun, Estatu Batuetako zine akademiaren galbahea pasatu zain dago. Horretaz eta beste hamaika kontuez aritu ginen gustura Aitorrekin.

Abenduaren 4an agurtu genuen Udazken Kulturala. Ekintzez eta aberastasunez jositako hamabostaldiaz gozatzeko aukera izan dugu beste ikasturte batez. Baina ezin ahaztu dezakegu hori guztia zuzenean edota zeharka parte hartu duzuen guztioi esker izan dela. Eskerrak, beraz, den denoi, heldu, gazte zein umeen artean gure kulturaren transmisioa posible izatea lortu baituzue. Eta eskerrak bereziki honako hauei: Pake-Leku elkartearen izenean gurean izan zen Anttoni eta baita bere lagun Dart-i ere.

Abenduaren 4an DBH 4ko ikasleak Durangoko Azokan izan ginen. Azoka bisitatu eta disko eta liburuak ikusi eta erosteko aukera izan genuen. Ondoren 2 taldetan banatu eta 2 tailerretan parte hartu.

Udazken kulturalaren ekintzen artean DBH 4.mailako ikasleek graffiti ikastaroa izan dute Hibai Garairekin. Ederto ibili dira eta begira argazkietan zein lan ederra egin duten.

Udazken kulturalaren ekintzen artean DBH 2. mailako ikasleek euskarako lehen unitatean irakurritako EZEKIEL liburuaren egilea den Jasone Osororen bisita izan dute. Idazleak ikasleen galderei erantzuteaz gain, irudimenari buruz hitz egin du. Oso giro polita sortu da eta oso gustura egon dira.

Udazken kulturalaren ekintzen artean DBH1. mailako ikasleek Oihana Kortazar mendi lasterkari ospetsuaren bisita izan zuten. Bere zaletasunari eta korritu dituen hainbat karrerei buruz aritu zitzaien. Era berean, kirola egiteak bizitzarako eta osasunerako dituen balore eta alde onak goraipatu zizkien. Gustura egon ginen denok. Eskerrik asko Oihana!

Bizidunak gaiaren barruan “Ugalketa bizi-funtzioa” aztertu ondoren, sexu-heziketa lantzen aritu gara. Hori dela  eta,  Arantzazu Inzarekin solasaldia izan dugu. Aurkezpena eta hainbat bideo ikusi eta landu ondoren, makinatxo bat galdera egin diogu ikasleok gure jakin-mina ase guran.
Oso arratsalde probetxugarria izan da!
Mila esker, Arantzazu, hurrengoan ere dei egingo dizugu.

Joan zen eguaztenean Markel Irizar txirrindulari oñatiarra ikas-tolan egon zen 5. mailakoekin solasean. Bere bizitza profesiona-lari nahiz pertsonalari buruzko hainbat azalpen eman zizkigun. Bere sinpatiaren eta alaitasunaren berri ere izan genuen. Benetan oso aberasgarria izan zen. Ez dugu erraz ahaztuko.
MILA ESKER, MARKEL!!!

Azaroaren 24an Garaion Natura Elkartearekin batera, Auzolanartea ekimenean parte hartu zuten Batxilergo 2. mailako ikasleek. Bost ordu iraun zuen ekintza horretan, sormenaren inguruko tailer praktiko bat egin zuten hasieran. Ondoren, dinamika ezberdinen bidez, gazteek herriari adierazi nahi zioten mezua landu zuten. Jarraian kalera irten (Unibertsitate pareko zelaira) eta natur elementuak erabilita, beren ideiei  modu artistikoan eman zioten forma.