Bihar, apirilak 25, Jose de Azpiazu Musika Eskolakook eta Txantxiku ikastolakook antolatutako HERRIXA KANTUAN ekimeneko 2. saioa izango da. Pasa den hilean egin genuen bezala, 12:30ean herriko plazan, kontzejupean, elkartuko gara, eta ordu eta erdiz-edo, euskal kantak abesten arituko gara.

Saio honetarako kanta paperak albiste honen bukaeran eskuratu ditzakezue.

Bestalde, duela hilabete agindutakoari jarraiki, jakizue posta-e kontu bat ireki dugula (herrixakantuan@gmail.com) eta horretan zuen guztion ekarpenak eta proposamenak jaso nahi ditugula (abestiak, antolaketa, ...).

Zapatuan elkar ikusiko dugu, baina bitartean hemen duzue lehenengo saioko bideo txiki bat ikusgai. Hasi eztarriak berotzen!!!