DBH 3. mailako ikasleak Urdaibain dagoen Bird Center interpretazio gunera joan ginen. Eguraldia euritsua izan arren, Urdaibaik gordetzen dituen sorpresa ugari ikusteko a ze aukera! Harrigarria da zenbat hegaztik aukeratzen duen padura hau bai bizitzeko bai migrazioetan atseden hartzeko. Gelan Biologia eta Geologian landutakoa osatzeko aukera ezin hobea izan zen. Eskerrik asko Jon, Paul eta Txeperi emandako azalpen guztiengatik, asko ikasteaz gain oso gustura egon ginen beraiekin.