Gorputza zain dezagun
“Gorputza zain dezagun” gaiaren harira 1. mailakoen geletan hamaiketako eta askari osasuntsuak antolatzen ibili ginen. Prestatu aurretik, jakien piramideari begiratuta, ahalik eta bihotz gehien zituztenak aukeratzen saiatu ginen. Egun batzuk geroago, guztia prest zegoela, jatea besterik ez zen falta izan. Ummm, ze goxoa…!!! Handik egun batzuetara, Arantzazu Ugarte sendagilea izan genuen ikastolan. Liseri aparatuaren funtzionamendu egokia eta garbitasuna (eskuena, hortzena…) norbera osasuntsu egoteko zeinen garrantzitsua den azaldu zigun. Hurrengo egunean, berriz, Amaia Diaz de Monasterioguren dietistarekin saio bat izan genuen gelan. Elikagai osasuntsuei buruz hitz egin zigun. Bereziki, fruta eta barazkiak jatearen garrantziaz aritu zen. Mila esker, Arantzazu eta Amaia, zuen bisitagatik!
ARANTZAZU UGARTEREKIN ARGAZKIAK
