Martxoak 8an Emakumeen Nazioarteko Eguna ospatu genuenez, Danok Bat elkarteak proposatutako “Oñatiko emakumeak belaunaldiz belaunaldi” ekintzan parte hartu genuen 5. mailako ikasleok. Ekintza honen helburua gure familiako emakumeek (birramonek, amonek, amek) zer-nolako bizimodua izan duten ezagutzea da, eta baita guk daramagun bizimoduarekin alderatzea ere. 

Maiatzaren 20an TRAUTI taldeko kideak ikastolan izan ziren eta gure herrian ezgaitasunen bat dutenek bizi duten egoeraz hitz egin ziguten 5. mailako ikasleoi.

Ikasleok arreta handiz jarraitu genituen sentsibilizazio saio horietan Rafael Kortabarriak eta Mikel Etxezarretak eman zizkiguten azalpenak eta agertu zituzten esperientziak.

Eskerrik asko Rafael eta Mikel!!