PENSOI proiektua haurren gain-pisuaren azterketan eta bere prebentzioan lan egiten duen ekimena da. Haurren pisuak eta loditasunak helduaroan dakartzan ondorioak gutxitu nahian PENSOI proiektuak Debagoieneko 6 eta 12 urte bitarteko haurrek duten gain-pisuaren prebalentzia edo joera aztertu du. Horren aurrean, ingurune eta jarrera osasuntsuak bultzatzen dituzte han eta hemen garatutako proiektuen bitartez eta sektore ezberdinak inplikatuz.

2014ko lehenengo lauhilabetekoan, Debagoieneko 10­-12 urte bitarteko haurren gehiegizko pisu eta obesitatearen prebalentzia datuak ezagutzeko eta haur hauen kirol eta elikatze ohiturak aztertzeko ikerketa bat egin da. Ikerketa hau, Debagoieneko haurren gehiegizko pisu eta obesitatea murriztean datzan Pensoi proiektuaren lehenengo fasea da.

Ikasleei pasatu zaizkien inkestetan pisua, altuera, adina, herria eta abar jasotzeaz gain, kirol eta elikatze ohituren inguruko galdeketa bat betetzea eskatu zaie.