Hemen dituzue ikusgai pasa den azaroaren 28an, Kaskarotenea ikastolaren alde ospatu genuen Elkartasun Krossaren argazki guztiak. (Argazkiak handiago ikusteko, sakatu irudien gainean).

Bailarako ikastolok (Txantxiku, Aranzadi eta Arizmendi) Ziburuko Kaskarotenea Ikastolaren egoera larria ikusirik elkartasun ekintza bateratu bat antolatuko dugu. Ekimen hau 5 herritan eramango dugu aurrera: Oñatin, Bergaran, Arrasaten, Aretxabaletan eta Eskoriatzan hain zuzen. Ikastolako ikasleak helburu solidario batekin korrika jarriko ditugu Ikastolako ordutegiaren barnean (4.110 ikasle guztira).

ZIBURUKO IKASTOLAREN ALDEKO MANIFESTAZIOA

Ziburuko Ikastolak 4 urteko ibilbide laburrean lan handia egin du Euskarazko irakaskuntza-ikaskuntzaren alde, bai herrian bertan, baita inguruan ere. Kopuruz ikastola txikia izan arren, hango familientzat euskal erreferente handia dugu Kaskarotenea Ikastola.