Abenduak 3arekin batera, Euskararen eguna ospatu genuen ikastolan. Etapa guztietako ikasleek beraientzat prestatutako ekintzak izan zituzten. Ikastolako txikienek Argitxoren bisita jaso zuten, Lehen Hezkuntza eta DBH-ko ikasleek jolas desberdinetan aritu ziren gure hizkuntza ardatz izanik. Nagusienek aldiz, "Ez dok hiru" antzerki emanaldiarekin gozatu ederra hartu zuten! Egunari amaiera emateko, azken urteetan ohitura bihurtu den kantu saioa burutu genuen guztiok elkarrekin.

Abenduaren 3an, eguenean emozioz beteriko eguna ospatu genuen Euskararen alde. Argitxok ohi bezala, txikienen ikasgelak alaitu zituen. Eta arratsaldean gainera, patioan zeuden haur eta gurasoekin ere egon zen. Ahaztezin bihurtzen zaigu geure iratxoa, pozez edota zirraraz betetzen baitigu barrena. Eta gu geu ere egun horretan, bera bezala, masail gorri eta txano gorriarekin pozik ibiltzen gara euskara babesten.

Pasa den abenduaren 3an Euskararen Egunaren ospakizunen baitan, TTAK taldekoek jaialdi ederra antolatu zuten DBHko ikasle eta irakasle guztientzat. TTAK taldea, DBHko ikasleen Euskara Taldea da eta maila ezberdinetako ikasleek osatzen dute. Jaialdiko proba nagusiena Karaokea izan zen eta DBH 3A-koak izan ziren epaimahaiaren ustez aurtengo talderik konpletoena. Jarraian duzue ikusgai arratsalde hartako jaialdiaren laburpentxo bat. Zorionak TTAK taldeari egindako lanarengatik!

Euskararen Eguna: zergatik abenduaren 3an?

1552ko abenduaren 3an Xabierko Frantzisko hil zen eta, kondairak dionez, hil aurreko azkenenko hitzak bere ama hizkuntzan esan zituen, hau da, euskaraz. Eta 1949 urtean Eusko Ikaskuntzak abenduaren egun hau ezarri zuen Euskararen Nazioarteko Eguna ospatzeko. Azkenik 1995ean Eusko Jaurlaritzak eta Euskaltzaindiak Euskararen Nazioarteko Eguna instituzionlizatu zuten.