“Txomin Udazkenean” ipuinean eran ibili dira Haur Hezkuntzako ikasleak ere. Zuhaitzetik eroritako hostoak… lurrean pilatutako orbel zoragarri hori gelara eraman dugu. Eta nola gainera! Fin fin aritu dira hostoak biltzen 2, 3, 4 eta 5 urteko ikasleak; udazkenak eskaintzen digun kolore aniztasunaz gozatzen. Eta fin fin ekarri dituzte Ikastolara. 

3 urteko ikasleak “Mendia zoragarria da udazkenean” unitate didaktikoa landu dugu. Hau dela eta, arratsalde batez, Lazarragako parkera joan ginen hostoak eta ezkurrak batzera. Ondoren, pasiloko marrazkiak apaindu genituen. Gaiari bukaera emateko, udazkeneko fruten merienda egin dugu jantokian. Bai goxoa jan dugun guztia!!!