LH 3. mailako ikasleok bisita gidatua izan dugu Oñatiko Turismo Bulegoko Edurne Urteagarekin. Ikustaldi honetan Unibertsitatea eta Parrokia sakonago ezagutzeko aukera izan dugu. Jasotako azalpen guztiak oso interesgarriak izan dira eta oso ongi ulertu ditugu. Bisita arrakastatsua izan da eta gure herriaren ondasuna hobeto ezagutzeko baliagarria. Eskerrik asko, Edurne.

LH3koek Gaztelanian landutako “Elikadura eta bizitza osasuntsuaren ohiturak” gaiaren proiektua gauzatu zuten otsailaren 19an. Proiektuaren amaiera "Feria de invierno" delakoa antolatzea izan zen. Horretarako, baratzeko produktuak eta etxean, familian, prestatutako jakiak ekarri zituzten. Aurrez,  gelan fruitu lehor, enbutido eta gazta dastatzea egina zuten,  baita liburuko errezetari jarraituta, "Salchichón de chocolate" delakoa ere. Erakusketara 1. eta 2. mailako ikasleak gonbidatu zituzten eta ikusteaz gain, produktuak dastatzeko aukera ere izan zuten.

Maiatzaren 18tik 20ra ohiko txangoa izan genuen 3. mailakook eta gure irakasleok. Hondarribiko Juan S. Elkano aterpetxean hartu genuen ostatu eta hiru egun bete beteak pasatu genituen elkarrekin. Zeinen ondo igaro genuen Donostiako Eureka zientzia museoan eta Haizearen Orrazian, katamaranean Bidasoa ibaiaren barrena edo Hondarribiko Alde Zaharra eta portua bisitatzen, hango parkeetan zein hondartzan jolasean... A! eta, nola ez, antzerki saiotxoak prestatzen eta elkarri eskainitako emanaldietan: izugarri disfrutatu genuen!

Maiatzarren 8an, 3. mailakoak Olabartako errotara joan ginen oinez eta Miren Biainek agertu zigun nola dabilen ur-errota bat. Egun horretan bertatik bertara ikusi ahal izan genuen nola ehotzen diren artaleak eta nola bilakatzen diren artaleak eta nola bilakatzen diren arto-irin. Irin hori pasa den zapatuan erabili genuen gure ikastolan talo-taikerra egiteko. Umm!!, ze goxoak zeuden (hoberik ba ote munduan!)

Mila-mila esker Mireni eta bere senitartekoei egindako harrera bikainagatik eta emandako azalpen interesgarriengatik.