Gogoan izango duzue iazko ikasturte bukaeran ikasle talde baten ekimenez, “Sudurgorri” kanpaina aurrera eraman genuela Hotz Oñati elkarterako dirua bilduz. Orduan abiatutako bidetik, aurtengo ikasturtean ikasle talde berdinak Hotz Oñati elkarteari (Siriako errefuxiatuak helburu) bere ekimenetan berriro laguntzea erabaki du, eta benetan lortu ere! Zuen eskuzabaltasunari esker 120 motxila solidario osatzea lortu dugu Txantxiku Ikastolan eta bertan jarritako itsulapikoetan 505€ bildu ditugu! Zorionak guztioi eta mila esker egindako ekarpenengatik!!!

Dakizuen moduan, azken aste hauetan DBH 4. mailako ikasleek "Irrifuxiatuak" kanpaina aurrera eraman dute gure ikastolan. Kanpaina honen bitartez, ikasleek Siriako errefuxiatuen egoera  eta HOTZ OÑATI taldearen lana gertutik ezagutzeko aukera izan dute. Ekintza desberdinak antolatu dituzte eta horiei esker 600 sudur gorri baino gehiago banatzea lortu dute. Lortutako diru guzti hori HOTZ OÑATI taldera bideratuko dute.

DBH 4. mailako ikasleak Siriar errefuxiatuei laguntzeko kanpaina batean murgilduta daude. Horretarako ekainaren 6, 7 eta 9an ekintza desberdinak egingo dituzte. Ekainaren 6an gelaz gela informazioa zabalduko dute. Ekainaren 7an sudur gorri bat euro baten trukean banatuko dute geletan eta ostegunean, berriz, arratsaldeko 16:30ean ikastolako patioan egingo dute sudurren salmenta. Bildutako diru guztia HOTZ OÑATI taldeari bideratuko diote. Informazio gehiago topa dezakezue Facebook-eko SUDUR GORRIAK orrialdean.