DBH 4. mailako ikasleak euskal inauterian murgilduta ibili gara. Euskal Herriko hamabost herritan inauteriak nola ospatzen diren aztertu dugu: Ituren, Zubieta, Unanu, Zalduondo, Eskoriatza, Mundaka, Lantz, Gallarta, Eibar, Arizkun… Leku hauetan, guztietan, dauden pertsonaiak, dantzak, janzkerak, ohiturak, hartzaren presentzia eta esanahia... ezagutu ditugu.

Pasa den abenduaren 18an DBH4ko ikasleok Ulma Packaging lantegia ezagutzeko asmoz bertara hurbildu ginen. Kooperatiben ezaugarri orokorrak, ULMA taldea eta kooperatibari buruzko azalpenak jaso genituen (izaera, langile kopurua, ekoizten dituzten produktuak, bezeroak, filialak eta ordezkaritzak, lanpostuetarako beharrezko ikasketak...).

DBH 4. mailako ikasleek Manex Fuchs-en bisita izan zuten azaroaren 15ean. Manex AXUT! Antzerki konpainiako kidea da, hain zuzen ere, gauean Santa Anan eskaini zuten Zaldi Urdina antzerkiko aktoreetako bat. Bere bisita aprobetxatuz, Euskal Kultura gaiaren inguruko galdera sorta bat gertatu zuten ikasleek eta, Iker, Malen eta Idurrek izan zuten elkarrizketa egiteko ardura.

Beste ikasturte batez Goienako Jokin Bereziartua gurean izan dugu. DBH4-ko zenbait ikasleri eskainitako saio batean, kazetarien lanaz eta Galdegazte programaz aritu zaigu.
Mila esker, Jokin!