Goizeko lehenengo orduetan Olentzero eta Mari Domingik Haur Hezkuntzako guneak bisitatu dituzte eta ilusio izugarria egin digu! Ikasleen eskutitzak, marrazkiak… jaso dituzte eta opariak ekarri dizkigute. Lehen Hezkuntzako ikasleok, berriz, kalejira egin dugu Olentzero eta Mari Domingirekin eta guztiok batera gabon kantak abestu ditugu. Ikastolako patioan, ikasturtean zehar oso baliagarriak izango zaizkigun opariak jaso ditugu eta oso pozik geratu gara. Etorri datorren urtean ere Olentzero eta Mari Domingi, zuen zain egongo gara eta!

Zailtasunak zailtasun, Olentzerok eta Maridomingik zerbait argi eduki badute, ikastolako haur eta gazteekin aurrez aurre egon nahi zutela izan da. Txikien begietan ilusioaren dirdira ikusteak urte osoan egindako lanak benetan merezi duela erakusten die. Eta guk esfortzu hori bihotzez eskertu nahi diegu.

Milesker Olentzero eta Maridomingi!