Lehen Hezkuntzako seigarren mailakook, ikasturteko bigarren hiruhileko honetan, EKI egitasmoko proiektuak gauzatzeaz gain, bi PROI ere landuko ditugu. Bi proiektu horiek datorren ikasturtean DBHn landuko dugun EREIN egitasmorako “zubi” gisa planteatu zaizkigu.

PROI horietako lehena ‘Onki xin gurera’ da, eta proiektu horrekin galdera gidari honen erantzuna aurkitzen saiatuko gara: Nola erantzun diezaiekegu etorri berri batek dituen beharrei gure herriko eskaintza kontutan hartuta?

Orain bi asteko albiste buletinean esan bezala, DBH2. mailako ikasleok Amatxon izeneko lehenengo proi-a amaitu berri dugu eta proi honen bukaera aldeko saioetariko batean kalera irten ginen gelan landutako gaien inguruan oñatiarrek zenbat zekiten ikustera. Lehiaketa primeran joan zen eta irabazlea Maite Amondarain izan zen. Maiteri bere parte hartzea eskertu eta lehiaketa irabazi izana zoriontzeko, opari bat egin diogu: ikasleok bertakoak, osasungarriak, justuak eta jasangarriak diren produktuak erabiliz sortutako errezetak batzen dituen liburua.

Urria amaitzen ari den honetan, lehenengo PROIektuaren, Batzen proiektuaren, amaierara iritsi gara DBH 1. mailako ikasleok. “Nola lortu genezake benetako arrakasta osasuna kaltetu gabe?” galdera gidaria erantzuten aritu gara azken bi hilabeteetan, eta osasunaren hainbat alor landu ditugu. Hasteko, bost osasun motak zeintzuk diren landu ditugu, eta hauek kontuan hartuz, gure geletako dekalogoak osatu ditugu. Gai izango gara dekalogo hauek martxan jartzeko?