LHko 2. mailakook ikasturte bukaerako irteera herrian bertan egitera beharturik geundenez, Oñatiko hainbat txoko bisitatzeko aprobetxatu dugu: Olakua - Asentzio - San Martin.

Hasteko, Natur Eskolaren inguruan, lantzen ari garen proiekturako hainbat sendabelar batu ditugu: menda, intsusa, azeri buztana, zain-belarra… Une batez sasimediku edo petrikilo bihurtu gara. Ondoren, urmaelera hurbildu eta putzuan zeuden hainbat animaliatxo behatzeko tartea hartu dugu: zapateroak, zapaburuak… Jarraian, Murgia aldean Patxiko astoa agurtzeko aukera izan dugu.

Bukatzeko, San Martinen, elkarrekin bazkaldu ondoren zuhaiztian jolastu dugu. Egun ederra pasatu dugu, benetan!