Bigarren Hezkuntzako gure zenbait ikaslek, urteroko ohitura jarraituz, Bergarako Kilometrotako Erronkan parte hartuko dute. Frogetako bat aurkezpen bideoa sortzea izan da eta HEMEN duzue ikusgai emaitza! Beraien lana bukatu dute eta orain geure laguntza ere behar dute. Sartu eta bozkatu... Lehen aldia bada, izena eman behar da; 2 minutuko zeregin laburra. Ikasleei geure animorik beroenak emateko bidea izan daiteke. Animatu eta bozkatu Txantxiku ikastolako ikasleen lana!

Datorren urriaren 4an Usurbilen ospatuko da Kilometroak jaia eta azken urteotan bezala, DBH 3 eta 4. mailako ikasleei zuzendutako ERRONKA lehiaketa izango da. Txantxiku Ikastolatik ordezkariak izango ditugu aurten ere ikastolen arteko lehiaketa honetan. Parte-hartzaile guztiek aurkezpen bideo bat egin behar izan dute lehiaketan lehenengo puntuak eskuratzeko eta gure ordezkariek botoak behar dituzte.

Urtero legez, jaiekin batera pasa da Kilometroak 2014 eguna. Pasa den domekan jendetza handia bildu zen Orion Gipuzkoako Ikastolen aldeko jaian. Orioko herri ikastolako kideak pozik azaldu dira egun horretan herrian barrena zabaldu zen giro atsegina eta euskaltzalearekin. Goizeko lehen orduetako euri tantek ez zuten egun paregabe hura eta bertaratutakoak otzantzerik lortu, ezta Erronka lehiaketan parte hartu zuten gure ikasleak ere.

Aurten ere, gure gazteek parte hartuko dute Kilometroak 2014 jaiaren barnean antolaturiko ERRONKA lehiaketan. 13 eta 16 urte bitarteko gazteen parte hartzea sustatzeko ERRONKA izeneko lehiaketa abian jarri zuten. Ikastolen jai guztietan (Ibilaldia, Herri Urrats, Kilometroak eta Nafarroa Oinez) martxan jartzen den egitasmoa da.
Hurrengo erronka, beraz, Orion dugu eta gure gazteak bertako proba bizi eta zirraragarrietan parte hartzeko prest daude. Gazteen abilezia, buruargitasuna, indarra eta, nola ez, euskaltzaletasuna frogan jarriko dute beste behin.