Aurreko astean, Lehen Hezkuntzako 3. mailako ikasleok Iturrigorrin izan ginen. Ingeleseko klaseetan 'Going camping' istorioa landu dugu, eta, bertan, gure protagonistek izaten dituzten abenturak bizitzeko asmoz joan ginen Iturrigorrira kanpin dendetan gaua igarotzera. Eguraldia lagun, ederki pasatu genuen; errekan bainua hartu, inguruak aztertu, kanpin dendatan lo egin… eta nola ez, ingelesez arituz. Eskerrik asko 3. mailako gurasoei kanpin denda eta motxilekin eman diguzuen laguntzagatik!

Lehen Hezkuntzako 3. Eta 4. mailako ikasleak Egiptoren inguruko proiektua lantzen aritu gara. Antzinako Egiptori buruzko hainbat gauza ikusi eta ikasi ditugu: Nilo ibaia, bertako biztanleen bizimodua, gizartearen antolakuntza, eraikinak, jainko eta jainkosak… Proiektu amaierako lan bezala, ikasi dugun guztia piramide itxurako lapbook-ean islatu dugu.

Gainera, Lehen Hezkuntzako 1 eta 2.mailako ikasleei proiektu amaierako emanaldia eskaini genien. Gustura hartu zituzten gure azalpenak eta ikusgai geneukan maketa! Eskerrik asko 1 eta 2.mailako lagunei gure gelara etortzeagatik.

GOGOZ JAN! GOGUAKIN JAN !

Gaur fruta eta barazki freskoaren aldeko Munduko eguna ospatuko dugu!

Elikaduraren piramidearen oinarrian aurkitzen ditugu frutak eta barazkiak. Egunean 5 arrazio (anoa) jatea gomendatzen digute: 3 fruta ale eta 2 barazki arrazio. Elikagaiok eguneroko 5 jatordutan banatzea posible dela ikasiko dugu.