Apirilaren 15ean Busturian kokatuta dagoen Euskadiko Biodibertsitate zentroa ezagutu genuen. Bertara heltzean hiru hezitzaile gure zain geneuzkan eta goiz eta arratsaldez hainbat jarduera elkarrekin burutu genituen. Ingurunean dauden paisaia desberdinak ikusi eta aztertu genituen, eta jolaserako beta ere ez zen falta izan.

Eguraldia lagun, primeran ibili ginen!

Apirilaren 15ean Busturian kokatuta dagoen Euskadiko Biodibertsitate zentroa ezagutu genuen. Bertara heltzean hiru hezitzaile gure zain geneuzkan eta goiz eta arratsaldez hainbat jarduera elkarrekin burutu genituen. Ingurunean dauden paisaia desberdinak ikusi eta aztertu genituen, eta jolaserako beta ere ez zen falta izan.

Eguraldia lagun, primeran ibili ginen!

Joan zen astean 5 urteko, 1. eta 2. mailako ikasleok ipuin kontaketa bat izan genuen ingelesez. Hor ibili ginen itsasoan igerian Sam itsas zaldia, Milly lamiarekin eta, nola ez, beraien lagunak diren itsasoko izarra, arrainak eta olagarroarekin. Han etorri zen bat-batean marrazoa gu denok jan nahian. Hura zen larria!!! Eskerrak, azkenean, itsasoko errege-erreginak etorri zirela eta haien eta lamiaren laguntzaz lortu genuela marrazoak aldentzea!!!

Han ibili ginen denok pozik dantzan!!

Oraingo honetan, LHko 1. mailakook, Lehen gizakien garaira abiatu ginen gure arbasoak nola bizi ziren ikusteko eta ikasteko asmoarekin. Helburu honekin Oñatiko Natur Eskolara joan ginen eta bertan taloa egiten ikasi, lehen gizakiek erabiltzen zituzten tresna ezberdinak ikusi genituen eta eurek bezala marraztu genuen guk ere. Goiz zoragarria pasa genuen eta asko ikasi genuen Imanol, Idoia, Aimar eta Maiterekin.

Ingeleseko klasean “Pancake” errezeta liburua bukatu bezain pronto, sukaldari bihurtuz, errezeta hori egin dugu. Lehenengo, osagai guztiak nahastu ditugu: “stir stir stir, stir what’s in the bowl, yum, yum, yum pancakes for everyone”. Ondoren, zartagina hartu eta pancake-ak egiten aritu gara: “ummmm, yummy, yummy” eta, azkenik, guztion artean egindako pancake-ak jan ditugu: “ ummm, delicious pancakes”. Zeinen ongi pasatu dugun!!