Egoera berezia, Ikastolaren Aste berezia. Aurten ere ezin izan dugu ohiko egitaraua antolatu, baina segurtasun neurriak errespetatuz, hamaika ekintza berezi burutu ditugu.

Haur Hezkuntzako txikiek eguazten, eguen eta egubakoitzetako jolasorduan erromeria izan dugu. Eta egubakoitzean, HHkoek zein Lehen Hezkuntzako ikasleek, hainbat eskulan egin ditugu ikasgelan, biserak, lepokoak edo eskupilotak adibidez, eta parke eta jolas-parkeetara ere atera gara ekintza ezberdinak burutzera.

Txantxiku Ikastolaren aste berezia izan dugu aurtengoa, egoerak hala behartuta etxetik ospatu behar izan dugulako. Ikusi dugu etxeetan bada ere, ospakizunerako tartetxoa hartu duzuela guztiok, bejondeizuela!!! Oso irudi politak bidali dizkiguzue eta bideoetan jaso ditugu. HEMEN dituzue guztiak ikusgai. Gozatu!!!

Ederki pasa dugu beste urte batez Txantxiku Ikastolaren astea. Ekintza ugari eta dibertigarriak izan ditugu, eta modu batean edo bestean etxe erraldoi honetako biztanle garen denok izan gara protagonista.

Etxeko txikienak urduri eta irrikaz beraien gelak familiako beste kideei erakusteko. Aurpegia margotu eta prest ikuskizun ezberdinetan parte hartzeko. 

Ikastolaren asteko ekintzen baitan, Bigarren Hezkuntzako ikasleek Argazki Rally-a burutu zuten pasa den ostiralean. Aurtengo gaia ADISKIDETASUNA izan zen eta 7 taldek parte hartu zuten. Ikasleek ordu t'erdi izan zuten argazkiak ateratzeko eta beste ordubete argazkiak aukeratu, txukundu eta horma-irudi bat osatzeko. Aurtengoan emaitza ederrak lortu dituzte parte-hartzaileek!