Gipuzkoako herri kirolen federaziokoen bisita jaso dugu aste honetan, eta horri esker, DBH 1. mailako ikasleok herri kirolen munduan murgildu gara pare bat orduz. Saio berezi horren hasieran, herri kirolen jatorriaz eta gaur egun federazioaren barnean dauden 18 modalitateen inguruan hitz egiten hasi genuen. Jarraian, ikasleontzat jadanik ezagunak ziren 5 modalitate probatu genituen: Lokots bilketa, Giza-proba, Sokatira, Txinga eramatea eta Zaku eramatea. Saio amaieran, berriz, ikasleontzat berriak ziren bi modalitate probatzeko aukera izan genuen: Ingude altxatzea eta Harri jasotzea.

Aurreko asteko egubakoitzean, ikastolako irakasle Maitane Matéren bisita izan genuen DBH 1. mailan. Maitane ingeleseko irakaslea izateaz gain, Txantxiku Ikastolako Eskola Agenda 2030eko arduraduna da. Hasteko, ezkurren inguruko bitxikeria batzuk azaldu zizkigun, eta jarraian, iazko esperientziaren emaitzak erakutsi. Hala, iaz landatutako ezkurretatik erne diren haritz kimuak ikusi ahal izan genituen: Baso txiki polit bat. Amaitzeko, bakoitzak ezkur bat hartu eta ontzi batean landatu genuen. Horiek zaintzeko jaso genituen aholkuak jarraituta, ea datorren udaberrian ernetzen diren!

Ikasturtea eta etapa berria hastearekin bat, DBH 1eko ikasleak Alloko aterpetxean egon gara bi egunez. Bertan ikasle eta irakasleen artean ezagutza eta kohesio jolasak egin ditugu, igerilekuaz gozatzeko aukera izan dugu eta baita herriko frontoian jolasteko ere. Horretaz gain, ikasleok ere EREIN proiektua ezagutzen hasteko hainbat dinamika egin ditugu. Ikasturtea indarrez eta gogoz hasi dugu!

DBH 1. mailako ikasleok Udalako Ingurumen Eskolako lagunen bisita jaso dugu gaur, egubakoitzean. Objektuek sortzen dituzten hondakinak zein diren identifikatu dugu, eta erabilera bakarreko objektuek sortzen duten hondakin kantitatea izugarria dela konturatu gara. Beraz, horiek murriztu-berrerabili-birziklatu egin behar ditugula gogora ekarri digute. Norberak hondakin gutxiago sortzeko ohitura jasangarriak ere irakatsi dizkigute: edalontzi berrerabilgarriak erabiltzea, konposta egitea…. Aurkezpen interesgarri batez eta ariketa praktiko batez osatuta egon da saioa.

Gipuzkoako Herri Kirol Federazioaren bisita jaso dugu DBH 1eko ikasleek. Gorputz Heziketako irakasgaian lantzen dugun "Euskal giroan jolasten" unitatearen baitan, herri kirolen jatorria ezagutu eta horietako batzuk praktikara eramateko aukera izan dugu. Aukera paregabea izan da herri kirolen inguruan gehiago sakondu eta lehen eskutik kirol hauen errealitatea hobeto ezagutzeko.

Arropak ez duela pertsona zein bere sexualitatea definitzen adierazteko, DBH1-eko ikasleak, guztiak, gona jantzita etorri dira ikastolara!

Abenduaren 5ean LHko 5. eta DBHko 1. mailako ikasleak Jon Odriozolarekin solasaldia izan genuen. Euskal Herrian betidanik jarraitzaile askodun kirola izanik, eta gure ikastolako gurasoa denez, geure artera bere talde berriaren aurkezpena egitera gonbidatu genuen. Berarekin batera Jon Ander Insausti Mutiloakoa eta bergararra den Eneko Lizarralde txirrindulariak etorri ziren. Hiruron artean, Murias talde berria ezagutzeko aukera eskaini ziguten. Garrantzitsuenetariko ezaugarria euskaldunekin osatutako taldea dela adierazi zuen.

BAKETIKek antolatutako ekimen horretan bizikidetzaren gaineko alderdiak landu genituen. Apirilaren 28a eta 30a bitartean elkarbizitza lantzeko ANTZERKI FORUMA izeneko saioak gauzatu ziren gure gelatan. Antzerkiaren bidez alderdi hauek landu genituen: geure arteko harremanak hobetzea, elkar ezagutzea, gatazken prebentzioan sakontzea, enpatia lantzea... Horretarako antzezlana, horren foruma eta tallerrak burutu ditugu. Horrek guztiak, geure arteko harremanetan eragina izango duelakoan gaude. Esperientzia oso interesgarria eta baikorra izan dela iruditu zaigu.