Maiatzaren 14an Iruñako Volkswagen lantegia ikustera joan ginen Batxilergo 2. mailako ikasleak. Benetan ikusgarria iruditu zitzaigun lantegia. Egunean zehar 1.400 kotxe egiten dituzte; atera hortik kontuak!

Eta Iruñatik, Lasturrera abiatu ginen.  Ikasturteari eta ikastolan pasatako urteei amaiera ederra emateko aukera izan genuen. Ze gustura aritu ginen Lasturren paintballean
jokatzen! Ondoren Elorriagan bazkaldu eta Zumaiara abiatu ginen oinez. Ederra benetan Elorriaga eta Zumaia artean dagoen parajea.

Apirilaren 29an Batxilergo 2.eko Zuzenbideko ikasleak Bidebarrietan kokatuta dauden udaleko Gizarte Zerbitzuen bulegoetan egon ginen. Bertan Itxaro Leibar eta Ainhoa Moiua tenikariek eskaintzen dituzten zerbitzuen berri eman ziguten.  Bisita interesgarria izan zen.

Mila esker, Itxaro eta Ainhoa, eskaini zeniguten harreragatik eta eman zenizkiguten azalpenengatik. Ondoko argazkian ikasleak, irakaslea, Ainhoa eta Itxaro ageri dira.
 

Batxi2ko Gizarte Zientzietako ikasleak Donostian egon ziren hirigintza gaian Donostiaren inguruan jorratutakoa bertan ikusteko. Urgulleko Historiaren Etxean ʺDonostiari begiraʺ erakusketa ikusi zuten. Gidaria oso atsegina izateaz gainera, Donostiako historiaren inguruan asko ikasi zutela eta oso interesgarria izan zela diote.

Pasa den martxoaren 5ean, Batxilergoko 2. mailako ikasleak Mondragon Unibertsitateko Enpresagintza fakultateak antolatutako GAZTE RS jardunaldietan parte hartu zuten. Gizarte erantzukizuna izan zen jardunaldi horietan landutako gaia. Gure ikasleak herriko beste ikastetxeetako ikasleekin eta fakultateko ikasleeekin batera jardun zuten beraien proiektua definitu, garatu eta aurkezten.

Hurrengo bideoan ikusgai duzue egun horrek emandakoa.

Apirilaren 22an Batxilergo 2.mailako Ekonomiako eta Zuzenbideko ikasleak Udaletxean izan ginen zergen eta aurrekontuaren inguruko gaiak lantzen. Udal Kontuen gaia daraman Paskual Elustondok eta Mikel Biain alkateak Oñatiko Udalak jasotzen dituen zergak, horien ezaugarriak eta aurrekontuaren inguruko informazioa ezagutzeko aukera eskaini ziguten.

Lerro hauen bidez eskerrak eman nahi dizkiegu Paskual Elustondori eta Mikel Biaini eskaini ziguten tarteagatik eta eman zizkiguten azalpen guztiengatik.

Batxilergoko 2. mailako Zuzenbideko ikasleok Javi Perez oñatiar abokatua izan dugu gure gelan. Guk  Zuzenbidearen inguruan zuzendu dizkiogun galdera guztiak erantzuteaz gain, bere lanbidearen inguruko xehetasunak azaldu dizkigu. Oso gustura egon gara berarekin eta gainera asko ikasi dugu. Mila esker, Javi, eskaini diguzun arretarengatik!!!

Batxilergo 2ko ikasleentzat antolatzen dugun orientazio plangintzaren barruan Arizmendi Ikastolatik etorri zitzaizkigun azken saioan. Oraingoan, dituzten goi mailako heziketa zikloen berri eman ziguten: Gorputz eta Kirol Ekintzak Sustatzea (TAFYD) eta Eraikuntza Proiektuak. Bi ikasketa hauen berri emateaz gain, heziketa zikloen inguruko hausnarketa interesgarria egin genuen. Mila esker gurera etortzeagatik.

Batxilergo 2ko ikasleentzat antolatzen dugun orientazio plangintzaren barnean HUHEZIko ordezkarien bisita izan genuen urtarrilaren 23an. Alde batetik, dituzten graduak zeintzuk diren aurkeztu ziguten (Haur Hezkuntza, Lehen Hezkuntza, Ikus-entzunezko Komunikazioa), eta bestetik, bertan ikasle direnen bizipenak eta esperientzia bertatik bertara ezagutzeko aukera izan genuen. Eskerrik asko guztiei.

Batxilergo 2. mailako Biologiako ikasleak Donostia Ospitalea bisitatzera joan ginen abenduaren 11n. Kirurgia alorrean ebakuntza-geletan sartu eta egiten ari ziren interbentzioak ikusteko aukera izan genuen: traumatologiako ebakuntza (belauna), masaileko kirurgia (karotidako tumorea) eta otorrinolaringologia (belarriko ebakuntza). Robot bidezko prostata ebakuntza ere ikusi genuen.

Garaion taldekoen laguntzarekin arte lanez jantzi dute plaza batxilergo 2. mailako ikasleek ikasturte honetan ere. Horretarako, naturak eskaintzen dizkigun materialak erabili dituzte: lastoa, egurra, buztina etab. Izan daitezela guztion gozamenerako.