Udazken kulturalaren ekintzen artean DBH 4.mailako ikasleek graffiti ikastaroa izan dute Hibai Garairekin. Ederto ibili dira eta begira argazkietan zein lan ederra egin duten.

Maiatzaren 20an agurtu genituen gure lagun bretoiak. Ekintzaz beteriko astea pasa genuen elkarrekin: inguruko hiriburuak bisitatu, gure txoko berezienak ezagutu eta gure kultura eta ohiturak gertu gertutik ezagutuz. Esperientzia ahaztezina bertan parte hartu dugun guztiontzat. Txantxiku Ikastolatik eskerrak eman nahi dizkizuegu elkartruke hau posible egin duzuen irakasle, ikasle eta familiei.

Egun batez liburu, boligrafo, ordenagailu eta gainerakoak alde batera utzita, elkarrizketatzaile lanetan aritu dira DBH4ko hiru ikasle GOITBko  GALDEGAZTE saioan. Ekimen honen helburuak hauexek dira: ahozko hizkuntza lantzea, telebista gazteei hurbiltzea eta euskal munduko erreferenteak ezagutzeko aukera eskaintzea. Horrela,  EMON musika taldeko Aritz Alustiza elkarrizketatu dute Iratik, Eiderrek eta Josunek. Honetaz gain, GOITBko eraikina ikusi eta lana nola egiten duten ikusteko aukera izan dute Miren Arregik lagunduta.

DBH4ko frantseseko ikasleak Bretainian egon diren bitartean, Oñatin gelditu diren Teknologiako ikasleak ekintzaz beteriko astea izan dute. Korrika bazetorrela aprobetxatuz, Ikastola  girotzeko kartelak egin zituzten lehenengo egunetan. Agenda 21etik proposatutako ʺElikadura Jasangarriaʺ gaia ere landu dute Ortuzabala baratza bisitatuz. Bisitaren ondoren, bertako produktu ekologikoak erabiliz, bazkari ederra egin dute.

Aurten ere Bretainiara etorri gara: DBH-4ko 22 ikasle eta bi irakasle. Astebete lagun eta familia artean pasatuko dugu. Hainbat ekintza burutuko ditugu; gaur Bretainiako Finisterrera goaz eta datorren astean dolmenak ikustera. Asteburua berriz, familiekin pasatuko dugu, frantsesa praktikatuz. Argazkian gure albergean gaude, eskursiñuan irtetzeko prest. Kenavo!

Abenduaren 16an, DBH 3, DBH 4 eta Batxilergo 1eko ikasleak Gaztelekuan izan ziren Alex Txikon abenturazale bizkaitarraren hitzaldian. Ekintza hau egunotan ospatu dugun Udazken Kulturalaren baitan antolatu da. Alex Txikonek gaztea izanagatik milaka pasadizo bizi izan ditu: Edurne Pasaban mendizale ezagunaren espedizioetan parte hartu izan du eta "Al filo de lo imposible" telebista saio arraskatatsuan ere kolaboratu izan du sarri.

Ekainaren 10ean DBHko 4. mailako ikasleok, gure tutoreekin batera, Miramoneko EITBko egoitza bisitatu genuen. Bertan hainbat programetako platoak eta irrati saio ezberdinen grabazioak ikusteko aukera izan genuen.

Maiatzaren 21ean, Mari Karmen Markuleta lekaimea izan zen DBHko 4. mailako ikasleokin Haiti eta Dominikar Errepublikako egoera azaldu zigun, batik bat haurren eta emakumeen egoera.

Ekonomia eta zergak gaiaren gainean egin dugun lanketa osatzeko bisitak izan ziren

DBH 4. mailako ikasleak Ekonomia eta Zergak unitate didaktikoa gelan landu ondoren, herriko udaletxera bisitak egin genituen. Aurrez, zergen eta aurrekontuen inguruko zenbait galdera bidali genizkien, eta martxoaren 18an, B taldekoak, eta 19an A taldekoak, udaletxean izan ginen. Herriko diru­kontuen gaiak daramatzan Paskual Elustondo izan zen bi egunotan gurekin, eta bigarrenean Mikel Biain alkatea bera ere bai.

Otsailaren 28an DBHko 4.mailako ikasleok eta tutoreok Pagoetako Parke Naturala bisitatu genuen. Bertan Agorregiko burdinola eta errota martxan ikusteko aukera izan genuen. Nahiz eta eguraldiak asko lagundu ez, inauterietako umorea ez zitzaigun falta izan. Oso ondo pasatu genuen.