Domekan, urriaren 5ean, Kilometroak 2014 jaia ospatuko da Orion “Erria Txikota” lemapean. Gogorarazi nahi dizuegu Txantxiku Ikastolak Arizmendi eta Aranzadi Ikastolekin batera antolatu duen autobusa goizeko 9:45ean irtengo dela Oñatiko Posta bulegoaren aurrealdetik.

Bestalde, Erronka lehiaketan parte hartuko duten gure ikasleak, goizeko 7:30etako autobusean abiatuko dira Oriora. Berau ere, Posta bulego aurrealdetik irtengo da.

Aurten ere, gure gazteek parte hartuko dute Kilometroak 2014 jaiaren barnean antolaturiko ERRONKA lehiaketan. 13 eta 16 urte bitarteko gazteen parte hartzea sustatzeko ERRONKA izeneko lehiaketa abian jarri zuten. Ikastolen jai guztietan (Ibilaldia, Herri Urrats, Kilometroak eta Nafarroa Oinez) martxan jartzen den egitasmoa da.
Hurrengo erronka, beraz, Orion dugu eta gure gazteak bertako proba bizi eta zirraragarrietan parte hartzeko prest daude. Gazteen abilezia, buruargitasuna, indarra eta, nola ez, euskaltzaletasuna frogan jarriko dute beste behin.

KILOMETROAK 2014 ekitaldia antolatuko duten Orioko Herri Ikastolakoek txantxikutarroi laguntza eta babesa eskatu digute

5 €ko txartelaren truke 60.000 €ko saria eskuratzeko aukera dugu

Duela aste batzuk jakinarazi genizuenaren haritik, aurten KILOMETROAK 2014 jaia antolatuko duten Orioko Herri ikastolakoek, beste ekintzen artean, GURE ZOZKETA ekimena martxan jarri dute. Ekimen horren bidez 5 € balio dituzten txartelak salgai jarri dituzte, eta, zozketa horretan irabazle suertatuz gero, txartelaren jabeak 60.000 €ren saria eskuratuko luke.

Urriaren 5ean, Orion, KMK 2014 jaia ospatuko da ERRIA TXIKOTA!! lelopean. Dakizuenez, Kilometroak jaia gure hizkuntza, gure kultura, ikastolen mugimendua indartzeko ekimena da, batetik, eta, bestetik, antolatzen duen ikastolarentzat diru baliabideak eskuratzeko bidea. Horiek horrela, aurten, lehendabizikoz GURE ZOZKETA ekimena jarri da martxan gure artean. Ohiko loteriarekin antza duen zozketa horrekin 60.000 €ko saria eskuratuko du txartel irabazlearen jabeak.