Aurtengoan Euskararen Nazioarteko Eguna, abenduak 3, zapatuan erori denez, ikastolan egubakjoitzez ospatu dugu. Maila guztietan, eguna girotzeko eskulan, jolas, dantza eta kantaldiak egin ditugu alde batetik. Eta, bestetik, nola ez, Argitxok Haur Hezkuntzako eta Lehen Hezkuntzako hainbat gela bisitatu ditu!

Bigarren Hezkuntzako ikasleek, DBH 4. mailako ikaskide batzuek antolatuta, euskararen inguruko Kahoot lehiaketa bat egin dute, eta maila bakoitzeko 6 lagun onenek, ostean, Mihiluze lehiaketan parte hartu dute hiru bikote osatuz. Oso ondo pasa dugu, eta proba ezberdinekin euskararen gaineko gauza berriak ere ikasi ditugu! Atzo, aldiz, Batxilergoko ikasleek Tartean Teatroa taldearen "Alderray" antzerki lanaz gozatzeko aukera izan zuten Santa Ana Udal Antzokian.

Gogoratu, arratsaldean ere gure ikasleek abesti eta dantzaz beteko dutela plaza ingurua, eta 17:45etatik aurrera, txokolate beroa banatuko dute ikastetxeetako Guraso Elkarteek, eta DBH 4. mailako ikasleek bizkotxoak salduko dituzte. Animatu!